Li Qamişloyê radyoya "RAM FM" vebû

Bi boneya vekirina radiyoya RAM FM şahiyek li hola Zana ya bajarê Qamişlo hate lidarxistin. Bi dehan rojnamevan, siyasetmendar û nûnerên saziyên sivîl di şahiyê de amade bûn.

RAM FM beriya du heman bi zimanên erebî û kurdî dest bi weşan testê kir û dê sibe fermî dest bi weşandina bernameyên xwe bike.

RAM FM li ser pêla 88:00'an ji saet 06:00 heta 00:00'an weşanê bike, her wiha dê bernameyên wê li ser medyaya dîjîtal werin weşandin.

Di şahiyê de endama RAM FM Mîdiya Eko bixêrhatina beşdaran kir û got: "Em di radyoya RAM FM bi rêveberî û kadroyên we bi xêrhatina we dikin û we agahdar kirin ku radio di 1'ê Hezîrana 2021'an dest bi weşana test kir. Heta em karibin em ê hewl bidin ku ev radio bibe deng û hêviyên şêniyên me yên li ser vê erdîngariyê. Her wiha em ê hewl bidin ku li hemberî tundrawiyê bixebitin û şopên wê yên ku hîna di civaka me de hene rakin."

Hevseroka Yekitiya Ragihandina Azad Evîn Yûsif vekirina RAM FM li gelê herêmê pîroz kir û got: "Ragihandina peyama welatiyan dighîne raya giştî, gelek dezgehên ragihandinê vebûne, ev dide diyarkirin ku qada ragihandinê li herêmê bi pêş dikeve û me bedên li ser ragihandinê ku beriya şoreşa Rojava li ser herêmê hatibû ferzkirin, derbas kirin."

ANHA