Şêniyên Şêrawa: Em topbarana rojane ya Tirkiyê û bêdengiya Rûsyayê şermezar dikin

Ligel dorpêça Rûsya û hikumeta Şamê li ser şêniyên Herêma Efrînê, artêşa Tirk a dagirker û çeteyên wê rojane kantona Şehba û gundên navçeya Şêrawa bi mûşekan topbaran dikin, di encamê de zirarên madî û canî çêdibin.

Duh, artêşa Tirk a dagirker û çeteyên wê yên li gundên Basilê û Beradê yên dagirkirî yên kantona EFrînê û gundên Soxanekê, Aqîbê, Ziyaretê û Bênê yên navçeya Şera bi zêdetirî 30 mûşekan armanc kirin. Lê tenê zirar madî bûn. Lê di duşema borî de firokeyeke bêpîlot a artêşa Tirk a dagirker navçeya Til Rifetê ku zêdetirî 15 hezar koçber Efrînê lê dimînin bombebaran kir, di encamê de 5 sivîl birîndar bûn, jê jî zarokek bi giranî birîndar bû.

Têkilarî van sûc û topbaranên bênavber ên ji hêla dagirkeriya Tirk û çeteyên wê, şêniyê bi navê Yûnis Utuş wiha got: "Artêşa Tirk a dagirker ji dema koçberiya me ji Efrînê ber bi Şehbayê ve gelek komkujî li dijî koçberên Efrînê pêk anîne, jê komkujiya zarokan ku di encamê de zêdetirî 8 zarok li Til Rifetê şehîd bûn, her wiha li dijî malbatekê di roja duşema borî de li navçeya Til Rifetê komkujiyek din pêk anîn ku di encamê 5 sivîl jê jî zarok bi giranî birîndar bûn."

Utuş wiha domand: "Duh artêşa Tirk a dagirker û çeteyên wê yên li gundên Basilê û Beradê bi cih bûne, bi zêdetirî 30 mûşekî avêtin gundên navçeyê, lê tu sivîl birîndar nebûn, tenê zirar madî bûn."

Utuş wiha gotina xwe bi dawî kir: "Dagirker Tirk hewl dide tirsê bixe nava şêniyan da ku wan careke din koçber bike û gundan dagir bike. Lê ew wek şêniyên Şêrawayê di berxwedana xwe de heta rizgarkirina Efrînê û derkirina dagirkeriya Tirk berdewam in."

Li aliyekî din jî şêniya bi navê Hêvîn Ehmed wiha got: "Rûsya û hikumeta Şamê yên li herêmê îdia dikin ku parastinê herêmê û şêniyan ji êrişan dikin, lê ew li ser van sûc û komkujiyan bê deng in. Anku sûcên pêk tên, qebûl dikin."

Hêvîn Ehmed da zanîn ku ew wek şêniyên Efrînê heta rizgarkirina Efrînê di berxwedana xwe de berdewam in.

Her wiha Nûrî Mihemed jî da zanîn ku siyaseta dewleta Tirk a dagirker û çeteyên wê ji van êriş û sûcan ew e ku careke din şêniyan koçber bikin û herêmê vala bikin û wiha got: "Planên wan dê bi bin kevin. Ji be rem bi bijarteya berxwedan û rizgarkirina Efrînê ve girêdayî ne."

ANHA

<iframe width="560" height="315" src="https://www.youtube.com/embed/_MVzfQWFPho" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>