Kurdistaniyên li Beyrûtê Roja Şehîdan bibîr anîn

Civîn li paytexta Lubanê Beyrût hat lidarxistin. Endama Meclisa Jinan a PYD'ê Şervîn Cûdî axivî û Roja Şehîdan li tevahî malbatên şehîdan û rêber Abdullah Ocalan pîroz kir.

Şervîn Cûdî diyar kir ku şehîdan di oxira avakirina welatek azad ku tê gelê wan azad û bi rûmet bijî, xwe feda kirin.

Şervîn Cûdî di axaftina xwe de, şehîdên komkujiya Hewlêrê ya ku di 16'ê Gulana 1997'an li nexweşxaneya Hewlêrê ji aliyê çekdarên PDK`ê ve pêk hatiye û di encamê de derdora 100 sivîl û kadroyên PKK'ê şehîd bûbûn, bi bîr anîn.

Şervîn Cûdî piştrast kir ku tu kes nikare vîn û têkoşîna wan bişkîne.

Her wiha di civînê de, dayîkeke şehîdan a bi navê Emel tê naskirin, axivî û bi vê boneyê tevahî şehîdên azadiyê bi bîr anîn û ev roj li malbatên şehîdan û şervanên li qada şer û têkoşînê pîroz kir.

Civîn  bi berzkirina siloganên dilsoziya bi şehîdan re bidawî bû. Piştre kurdistaniyan, serdana gora şehîd Ehmed Osman aê ku li goristana El-Başora ya li El-Besta El-Tehta hatiye definkirin, kir.

Ehmed Osman, dema erka xwe li baregeha Mehsûm Qorqmaz a herêma Boqa ya Lubnanê sala 1985'an bi cih dianî, şehîd bû.

(dm)

ANHA