Di salvegera şehadeta Hevrîn de: Dagirker hewldana têkbirina hevgirtina civaka Sûriyê dike

Bi rasthatina salvegera şehîdxistina Sekretêra Giştî ya Partiya Pêşeroja Sûriyê Hevrîn Xelef, Nivîsgeha partiyê li Şedadê bi gel re civiya.

Civîn li Nivîsgeha partiyê ya li navçeyê û bi beşdariya bi dehan şênî, saziyên sivîl û leşkerî li dar ket.

Destpêka civînê der barê kurtejiyana Hevrîn Xelef û têkoşîna heta gihaşt asta şehadetê raber, sinivîzyonek hate pêşandan.

Endamê Rêveberiya Nivîsgeha Partiyê ya Rêxistinî ya Şaxê Cizîrê Hejar Ebdo axivî û got ku armanca wan ji vê civînê û pêşandana sinivîzyonê ew ku rastiyê ji tevahiya gelê Sûriyê re zelal bikin û çawa ku dewleta Tirk û çeteyên wê siyasetmedar û têkoşeran dike armanc.

Hejar Ebdo da zanîn ku dewletên dijbertiyê dikin, di serî de dewleta Tirk ji biratiya gelan a li herêmên Bakur û Rojhilatê Sûriyê ditirsin, ji ber vê yekê hewl didin hevgirtina Sûriyê bikin armanc û ji bo destwerdanê bikin, projeya neteweya demokratîk ku ji tevahiya cîhanê û Rojhilata Navîn re bûye mînak têk bibe, fitneyan di navbera pêkhateyan diafirîne.

Hêjayî bibîrxistinê ku çeteyên Ehrar El-Şerqiyê ku dewleta Tirk piştgiriya wan dike 12`ê Cotmeha 2019`an li ser rêya M4 ya di navbera Hesekê-Helebê êrişî erebeya Sekretêra Giştî ya Partiya Pêşeroja Sûriyê Hevrîn Xelef kirin û di encamê de Hevrîn şehîd xistin.

(eh)

ANHA