Şêniyên Til Temirê cenazeyê şehîd Îbrahîm El-Hemad veşartin

Bi sedan şêniyan navçeya Til Temirê îro li ber avahiya Meclisa Malbatên Şehîdan kom bûn û tev li merasîma oxirkirina cenazeyê endamê Hêzên Ewlekariya Hundirîn Îbrahîm El-Hemad ê ku di 18`ê Hezîranê de şehîd bûye, bûn.

Girseya gel piştî ku cenazeyê şehîd wergirtin bi kerwaneke wesayîtan ber bi Goristana Şehîdan a Til Temirê ve ketin rê.

Li goristanê merasîm bi deqeyek rêzgirtin li gel torenek leşkerî ji hêla Hêzên Ewlekariya Hundirîn û polîsa leşkerî ve destpê kir. Piştre endamê rêveber Mihemed Gotî bi navê Meclisa Malbatên Şehîdan, endamê rêveber ê Hêzên Ewlekariya Hundirîn Îbrahîm El-Ehemd û Silêman El-Bozo malbata şehîd axivîn.

Axaftvanan fedekariyên şehîd Îbrahîm El-Hemad ji bo parastina welat û gelê xwe û bibîr xisitn û rola Hêzên Ewlekariya Hundirîn silav kirin.

Her wiha axaftvanan soza şopandina rêya şehîdan heta pêkanîna daxwazên wan di yekitiyê de dan.

Paşê wesîqeya şehîd hate xwendin û radestî malbatê hate kirin.

Di dawiya mersîmê de girseya gel cenazeyê şehîd di nav tilîliyên dayîkan de û sloganên silavkirina şehîdan veşartin.

Şehîd Îbrahîm El-Hemad şehîdê sêyemîn ê heman malbatê ye. Hemûyan ji bo parastina gel û welatê xwe canê xwe feda kir.

(şx)

ANHA