Şêniyên Efrînê şehîd Zinar oxir kir

Bi armanca oxirkirina şehîd Muslim Kirocî (Zinar Amed) bi sedan şêniyên herêma Efrînê li pêşiya Nexweşxaneya Avrîn a navçeya Fafînê ya kantona Şehbayê kom bûn. Şehîd Zinar şervanekî HRE`ê ye û di qonaxa duyemîn a Berxwedana Serdemê de şehîd bûye.

Girseya gel berê xwe da goristana şehîdan a navçeya Ehresê û li goristanê dest bi merasîma oxirkirinê kir. Destpêkê rêzgirtin û paşê li ser navê Meclisa Malbatên Şehîdan endamê meclisê Xelîl Îsa axivî û sersaxî ji malbata şehîd re xwest. Xelîl wiha axaftina xwe domand: "Da ku em vegerin Efrînê û dagirkeriyê derxin, divê em asta têkoşîn û berxwedana xwe bilind bikin.”

Paşê li ser navê Rêveberiya Xweser a herêma Efrînê hevseroka Desteya Aborî û Berpirsa Kar û Barên Jinan Muşîra Mele axivî û da zanîn ku ji qada berxwedanê heta eniyên şer şervanên li ber xwe didin û li dijî dagirkeriyê disekinin, silav dikin û wiha got: “Em ê heta mîsogeriya azadiya gelên xwe tê bikoşin.”

NASNAMEYÊN 2 ŞEHÎDAN EŞKERE KIRIN

Di merasîma oxirkirinê de Meclisa Malbatên Şehîdan nasnameyên şehîd Îbrahîm Îsmaîl (Gîvara Efrîn) û Xelîl Osman (Êrîş Efrînê) ku di qonaxa yekemîn a Berxwedana Serdemê de şehîd bûne, eşkere kirin.

Paşê nasnameyên şehîdan ji aliyê 2 endamên Meclisa Malbatên Şehîdan Ronahî Oso û Samiya Hec Ehmed ve hatin xwendin û radestî malbatan kirin. Şehîd di nava sloganên "Şehîd namirin" de hatin oxirkirin.

(eh)

ANHA

<iframe width="560" height="315" src="https://www.youtube.com/embed/swUv_V8IeP4" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>