Li Şêrawayê tecrîda li dijî Ocalan hate şermezarkirin

Li navçeya Şêrawa ya kantona Efrînê bi meşeke meşeleyan tecrîda li dijî Rêber Abdullah Ocalan hate şermezarkirin.

CIWAN

27 kanûn, 2019 18:22

EFRÎN

Ciwanên navçeya Şêrawa ya kantona Efrînê bi dirûşmeya "Bi rihê ciwanên Efrînê em ê tecrîda li dijî Rêber Abdullah Ocalan a li Îmraliyê bişkînin" meşeke bi meşeleyan li gundê Ziyara li dar xistin.

Bi dehan endamê Tevgera Ciwanên Şoreşger a navçeyê beşdarî meşê bûn û alên tevgerê û wêneyên Rêber Abdullah Ocalan û meşle hilda bûn.

Meş ji deriyê têketina gund dest pê kir û bê navber dirûşmeyên azadiya Ocalan hatin berzkirin. Meş li qada gund rawestiya û veguherî mîtîngê.

Piştî deqeya rêzgirtin, endama Tevgera Ciwanên Şoreger a Sûriyê ya Efrînê Fatima Mihemed bi navê ciwanêna navçeyê daxuyanî xwend û got: "Tecrîda li ser Rêberê Gelê Kurd Abdullah Ocalan tecîrda li dijî tevahî mirovahiya ye, armanca jê têkbirkina azadiya gelên aştîxwaz û demokrasîxwaz e. Ji sala 2011‘an ve faşîzma Tirk tecrîdeke giran li ser Rêber Ocalan li girtîngeha Îmraliyê ferz kiriye.

Em vê tecrîdê û binpêkirinên dewleta Tirk ên li dijî Rêber Abdullah Ocalan şermezar dikin.

Em Tevgera Ciwanên Şoreşger a Sûriyê li Efrînê em ê heta dilopa dawî ya xwîna xwe şopdarên xeta şehîdan û rêya Rêberê Gelê Kurd Abdullah Ocalan bikin, heta xaka xwe rizgar bikin, tecrîda li ser Rêbertiyê bişkînin û azadiyê xwe bi dest bixin."

Mîtîng bi dirûşmeyên banga azadiya Ocalan û şeremzarkirina dagirkeriya dewleta Tirk bi dawî bû.

ANHA