Li Dêrazorê çalakiya konvedanê hat lidarxistin  

Bi dehan şêniyên herêma El-Sewir, endamên meclisên sivîl û endamên Partiya Pêşerojê ya Sûriyê şaxê Dêrazorê tev li çalakiyê bûn.

Di çalakiyê de du daxuyaniyî bi navên Meclisa Malbatên Şehîdan û Komîteya Jin a Meclisa Sivîl a Dêrazorê hatin xwendin.

Çalakî bi deqeyek rêzgirtin destpê kir. piştre daxuyaniya Meclisa Malbatên Şehîdan ji hêla endama rêveber Wefaa Celal ve hate xwendin.

Daxuyanî wiha ye:

Di encama êrişa Tirkiyê û çeteyên wê yên dawîn de li ser Bakur û Rojhilatê Sûriyê bi erêkirina navdewletî aloziya mirovî li Sûriyê nakoktir bû. bi hezaran sivîl di bin hincetên nerast û derew de hatin koçberkirin. Bi sedan jin, zarok û temenmezin li ber çavên cîhanê û bêdengiya navdewletî hatin kuştin.

Bi derketina DAIŞ`ê re careke din di bin navên cuda de, şaneyên veşartî li Dêrazorê bi awayekî mezin û balkêş tevgerên xwe zêde kirin. Bi dehan êrişên terorîst ji destpêka êrişên artêşa Tirk a dagiekr li ser Bakur û Rojhilatê Sûriyê ve pêk anîn.

Di daxuyaniya Komîteya Jin a Meclisa Sivîl a Dêrazorê de endama rêveber Hind El-Şilaş komkujiyên artêşa Tirk a dagirker li dijî sivîlan şermezar kirin û diyar kirk u Tirkiyê gelê Sûriyê qir û tune dike.

Hin El-Şilaş di daxuyaniyê de bang li civaka navdewletî kir ku sînorekî ji sûcên Tirkiyê û çeteyên wê re deyne. Her wiha banga hevgirtinê û parastina destkeftiyên şehîdan li gelên Sûriyê kir.

Piştî xwendina daxuyaniyan beşdarên çalakiyê sloganên silavkirina berxwedanê û dilsoziya bi şehîdan re berz kirin.

(şx)

ANHA