Cenazeyê şehîdê Berxwedana Serdemê Zinar li Şehbayê hate veşartin

Bi hezaran şêniyên herêma Efrînê cenazeyê şervanê Hêzên Rizgariya Efrînê (HRE) Elî Salih (Zinar Canşêr) ê di qonaxa duyemîn a Berxwedana Serdemê de şehîb bûbû, ji nexweşxaneya Avrîn a li navçeya Fafînê ya kantona Şehbayê wergirt û bi karwaneke erebeyan berî dan Goristana Şehîdên Berxwedana Serdemê ya li navçeya Ehresê.

Bi gihaştina karwan a goristanê re, şêniyan cenazeyê şehîd hilda ser milê xwe û di nava tilîliyan û dirûşmeyên silavkirina şehîdan de danî ser dika merasîmê.

Destpêkê, Meclisa Malbatên Şehîdan a Herêma Efrînê nasnemaya 3 şervan ku li cih û demên cuda şehîd bûbûn, aşkere kir. Nasnameya şehîdan wiha ye; şervanên YPG’ê Mehmûd Qenber (Şahîn Dîrok), şervana YPJ’ê Leyla Neisan (Kurdistan Xemgîn) ên ku di qonaxa yekemîn a Berxwedana Serdemê şehîd bûbûn û Îlham Mistefa (Zîn Cûdî) a di nava têkoşîna rizgariya Kurdistanê de şehîd bibû.

Merasîm bi deqeyeke rêzgirtinê dest pê kir. Dûvre endamê Meclisa Malbatên Şehîdan Xelîl Ehmed û endama Koordînasyona Kongreya Star Hediye Yûsif, axivîn. Axêveran sersaxiya malbatên şêniyên Efrînê û yên şehîdan kirin. Her wiha  îşaret bi rola şehîdan a di mayîna agirê şoroşê û berxwedanê de heta serkeftin û rizgarkirina ji dagirkeran kirin.

Kesên axivîn soza şopandina rêya şehîdan dan.

Piştre wesîqeyên şehîdan hatin xwendin û radestî malbatên wan hatin kirin.

Di dawiya merasîmê de cenazeyê şehîd Zinar di nava tilîliyên dayikan û dirûşmeyên silavkirina şehîdan de spart axê.

(fr)

ANHA