Li Minbicê dewreyek nû ya Hêzên Ewlekariya Hundirîn bi dawî bû

Akademiya Şehîd Mehmûd El-Elî ya Hêzên Ewlekariya Hundirîn a Minbic û gundewarên wê dewreya 4`an bi şahiyekê bi dawî kir.

NÛÇE

25 tîrmeh, 2019 20:12

MINBIC

Îro Akademiya Şehîd Mehmûd El-Elî ya Hêzên Ewlekariya Hundirîn dewreya 4`an bi navê Şehîd Musab Cuma El-Fetah a 28 endamên Hêzên Ewlekariya Hundirîn ya Minbicê û gundewarê wê tevlê bibûn, bi dawî bû. Dewre 45 rojan dom kir, tê de endaman waneyên fikrî û leşkerî dîtin.

Şahî bi deqeyek rêzgirtina leşkerî ji hêla endamên ku derçûne destpê kir. Piştre bi navê Komîteya Hundirîn a Minbicê û gundewarê wê cîgirê hevserokatiya Komîteya Hundirîn a Minbicê û gundewarê wê Ebdulkerîm El-Bekar axivî.

El-Bekar rola jinê di parastina welêt de tekez kir û destnîşan kir ku destaniyên lehengiyê yên ku jinê xêz kirine dê di dirêjahiya serdeman de zindî bimîne.

Piştre bi navê Hêzên Ewlekariya Hundirîn a Minbicê û gundewarê wê endamê rêveber ê Hêzên Ewlekariya Hundirîn Serdar Arêf axivî û bidawîbûna dewreyê li malbatên şehîdan pîroz kir û got şehîd Musab nayê ji bîrkirin.

Piştî wê endamên dewreya Şehîd Musab Cuma El-Ebdulfetah bawernameyên xwe wergirtin.

Şahî bi girtina xelekên govendê li ber stranên şoreşgerê bi dawî bûn.

(şx)

ANHA