Şehîda YPJ‘ê Elîf Welat bi merasîmeke girseyî hate veşartin

Bi sedan şêniyên El-Keramê, saziyîn sivîl û leşkerî cenazeyê şehîd Tehanî Ehmed Xerbetlî bi nasnav Elîf Welat a ku dema li kantona Hesekê li ser erka xwe bû şehîd bûbû, oxir kir.

Girseya gel cenazeyê Elîf Welat ji Meclisa Malbatên Şehîdan wergirtin û bi kerwanekî wesayîtan ber bi Goristana Şehîd Sêvdar a li bajarokê El-Cedîdat ve ketin rê.

Li goristanê merasîm bi deqeyek rêzgirtin li gel torenek leşkerî ji hêla şervanên YPJ û QSD`ê ve destpê kir. Piştre gelek axaftin ji hêla Saziya Malbatên Şehîdan Îman Mihemed, YPJ`ê Canda Reqa û Meclisa Sivîl a Reqayê Elî El-Nayif ve hatin kirin. Di axaftinan de sersaxî ji malbata şehîd re hate xwestin û rola şehîdan ji bo rizgarkirina gel ji zulmê û afirandina civakek demokratîk û azad hate destnîşankirin.

Her wiha rola YPJ`ê di tinekirina terorê de hate bibîrxistin. Hate tekezkirin ku jin piştî fedekariyên mezin bû sembola azadiyê û têkoşîna wê di rûpelên dîrokê de hate xêzkirin.

Piştî wê wesîqeya şehadetê ji hêla Saziya Malbatên Şehîdan ve hate xwedin û radestî malbata şehîd hate kirin.

Hevalên şehîd cenazeyê hevala xwe rakirin û li goristanê veşartin.

(şx)
ANHA