Şehîd Salih bi merasîmekê hate oxirkirin

Bi tevlîbûna bi sedan welatiyên herêma Tebqayê cenazeyê endamê Hêzên Ewlekariya Hundirîn Salih El-Casim (Salih Tebqa) hat veşartin.

NÛÇE

28 gulan, 2019 14:44

TEBQA

Bi sedan welatiyên herêma Tebqayê ji bo oxirkirina cenazeyê endamê Hêzên Ewlekariya Hundirîn Salih El-Casim (Salih Tebqa) ê di encama nexweşiyê de şehîd bû li ber nexweşxaneya Wetenî ya Tebqayê kom bûn. Girseya welatiyan cenaze wergirtin û bi kerwanekî ji dehan wesayîtan ber bi goristana şehîdan ve çûn.

Li goristanê piştî merasîma leşkerî hevserokê Meclisa Malbatên Şehîdan a Tebqayê Ebdulkerîm Îbrahîm bavê şehîd Ebû Rîş axivî, sersaxî ji malbata şehîd re xwest û got, rêya şehîdan rêya azadî, rumet û biratiya gelan e.

Hevserokê Komîteya Hundirîn a Tebqayê Mezlum Umer jî anî ziman ku ji şehîd Salih destpêka rizgarkirina Tebqayê tevî nexweşiya xwe kedeke mezin di parastina herêmê de da.

Bi navê Meclisa Zagonsaz a Tebqayê Hamid Ebdulrihman El-Ferec jî bal kişand ser keda şehîdan a rizgarkirina mirovahiya ji zulma çeteyan û soza parastina destkeftiyên şehîdan da.

Piştî axaftinan, nasnameya şehîd hat xwendin û radestî malbatê hate kirin.

Cenazeyê şehîd bi dirûşme û tilîliyên dayikan hate veşartin.

ANHA