Li Reqayê çalakiya ji bo xwendekaran

Buroya Perwerdeyê ya Komîteya Perwerde û Fêrkirinê ya gundewarê başûrê Reqayê çalakiyek û pêşengeha tabloya hunerî ji bo xwendekarên dibistana El-Xûta orgenîze kir.

NÛÇE

10 nîsan, 2019 15:01

REQA

Buroya Perwerdeyê ya girêdayî Komîteya Perwerde û Fêrkirinê ya gundewarê başûrê Reqayê bi armanca teşwîqkirina xwendekaran ji bo xwendinê, çalakiyek ku ji şano û tabloyên hunerî yên xwendekarên dibsitana El-Xûta pêkhat, li dar xist.

Endamên saziyên sivîl ên gundewarê başûr, Meclisa Jin a El-Kesra, endamên Komîteya Perwerde û Fêrkirinê, hevserok Elî Şinan û mamosteyên gundewarê başûr û malbatên xwendekaran beşdarî çalakiyê bûn.

Çalakiyê bi gotina helbestan destpêkir. Helbestên ku ji aliyê xwendekaran ve hatin xwedin, girêdayî şehîdan û azarên gelê Sûriyê bûn. Paşê xwendekaran şanoyek girêdayî qutbûna zarokan ji xwendinê di encama şer û dagirkirina DAIŞ`ê de ji herêmê re pêşandan.

Her wiha zarokan dîlanên ji çanda Reqayê li ber stranên gelêrî pêşkêş kirin.

Di dawiya çalakiyê de Komîteya Perwerde û Fêrkirinê diyarî li xwendekarên serkeftî belav kir.

(şx)

ANHA