Li Tebqayê 15 girtî serbest hatin berdan

Hêzên Ewlekariyê li ser daxwaza rûspî û şêxên êlên herêmê bi însiyatîfa Rêveberiya Xweser a Bakur û Rojhilatê Sûriyê bi koordîneya Rêveberiya Sivîl a Demokratîk a herêmaTebqayê 15 girtiyên ku bi DAIŞ`ê re hevkar bûn û hate isbatkirina ku destên wan di rijandina xwîna gelê Sûriyê de tune ye, serbest berdan.

NÛÇE

13 adar, 2019 16:12

TEBQA

Beriya ku girtî serbest werin berdan, hevserokê Meclisa Zagonsaz a herêma Tebqayê Hamid Ebdulrehman El-Ferec bang li girtiyan kir ku ewlehiya herêmê biparêzin, vegerin malbatên xwe, jiyana xwe ya asayî berdewam bikin û li gorî baweriya Rêveberiya Xwerser bin.

El-Ferec di axaftina xwe de tekez kir ku divê girtî li gorî asta berpirsyariyê bin, ji her kiryarekî ewlehiya herêmê binpê dike dûr kevin û ji hişmendiya DAIŞ`ê xilas bibin.

Girtiyên ku serbest hatine berdan ji ajansa me re diyar kirin ku di girtîghehê de bi wan re bi awayekî baş hatiye danûstandin û dema ku di girtigehê de mane, xwe ji hişmendiya DAIŞ`ê xilas kirine.

Rêveberiya Xweser a Bakur û Rojhilatê Sûriyê 2’ê Adarê li Eyn Îsayê li ser daxwaza rûspî û şêxên êlên herêmê 283 girtiyên ku bi DAIŞ`ê hatine xepandin û destên wan di xwîna gelê Sûriyê de tune ye serbest berda.

(şx)

ANHA