Şandeya jinên Êzidî serdana goristana şehîdên Berxwedana Serdemê kir

Şandeya jinên Êzidî ku ji Şengalê û bajarê Helebê hatine, serdana malbatên şehîdên Êzidî û goristana şehîdên Berxwedana Serdemê li kantona Şehbayê kir.

JIN

1 sibat, 2019 12:48

ŞEHBA

Şandeya jinên Êzidî ku ji Şengal û bajarê Helebê hatine û tev li konferansa duyemîn a Yekitiya Jinên Êzidî li Şehbayê bûn, îro serdana malbatên şehîdên Êzidî kir ku ji ber êrîşên artêşa Tirk a dagirker û çeteyên wê neçar man ku ji malên xwe derkevin û xwe li kantona Şehbayê bi cih bikin.

Her wiha şandeyê serdana kampên Berxwedan û Serdemê kir. Di serdanê de şandeyê destek da şêniyên Efrînê û berxwedana wan silav kir. Her wiha destnîşan kir ku çalakiyên ku ji aliyê şêniyên Efrînê ve li Şehbayê têne lidarxistin, moralê dide wan.

Malbatên şehîdên Êzidî spasiya şandeyê kir û teqez kir ku ew ê di qadên berxedanê de bin heta ku Efrînê ji dewleta Tirk a dagirker û çeteyên wê rizgar bikin û dê bi xaka xwe ve girêdayî bin û li hember hemû siyasetên qirkirin û tunekirinê bisekinin.

Paşê jinan berê xwe da goristana şehîdên Berxwedana Serdemê ya li navçeya Ehres a kantona Şehbayê û teqez kir ku ew ê heta dawiyê şopdarên rêya şehîdên Berxwedana Serdemê bin, dê heta dawiyê destekê bidin şêniyên Efrînê û diyar kir ku Efrîn bi saya şehîdan dê rizgar bibe.

(bx)

ANHA