Rejîma AKP`ê nahêlin şandeya HDP’ê biçe herêma şewatê

Polîs û leşkerên Tirk nahêlin şandeya HDP’ê ya ku hatî Dersimê biçe cihê şewatê. Şande biryardar e ku biçe cihê şewatê.

28 tebax, 2018 11:44

NAVENDA NÛÇEYAN

Şandeya HDP’ê ya ku ji Serokwekîlê Komê Ayhan Bîlgen, Parlamenterê Dersimê Alîcan Onlu û parlamenter Mahmût Togrul, Erkan Baş, Meral Daniş Beştaş, Erdal Aydemîr, Murat Çepnî, Mehmet Tiryakî, Dilşat Canbaz û Kemal Bulbul pêk hatî ber bi Çemê Balî ve ya Dersimê ve çûn, ku şewat hê jî li didome. Polîsan konvoya HDP’ê li ser rêya Ovacikê rawestand. Polîsan rê girtin û nehiştin ku şande derbas bibe.

Şande jî bi rêyên alternatîf xwest biçe herêma ku şewat lê heye. Şandel i ser rêya gund a Xozat-Çîçeklî careke dî ji hêla polîs û leşkeran ve hate rawestandin. Şandel li ser rêyê dest bi çalakiya rûniştinê kir.

Wekîlên HDP’yî gotin waliyê Dersimê Tuncay Sonel bi daxuyaniya xwe ew kirine hedefe û heke li herêmê tiştek bibe berpirs walî ye.

Şande piştî çalakiya rûniştinê hewl didin ku biçin herêma şewatê ya li ser rêya Pertekê.

/kr/haber/sandeya-hdp-li-dersim-ye-h6704.html