Şêniyên Dêrazor du şehîdên xwe oxir kirin

DÊRAZOR

Sedan şêniyên gundewarên rojhilat û rojavayê Dêrazorê ji bo pêşwazîkirina cenazeyên şervanê QSD‘ê Ekrem El-Yûsif (Yûsif) û endamê Hêzên Ewlekariya Hindirîn Fîras El-Hesen ên li ser karê xwe şehîd bûn li goristana Ş.Henî El-Hesen a li herêma Bisêra kom bûn.

Merasîm bi toraneke leşkerî ji aliyê hêzên QSD‘ê ve dest pê kir. bi navê Hêzên Ewlekariya Hundirîn Ehmed El-Elî axivî û ev tişt anî ziman, "Şehîd ji bo azadiya welat û parastina gel berdêlên giranbuha pêşkêş dikin, em ji bîr nekin ku bi saya wan em li vir kom bûne û di nava aramiyê de ne."

Ehmed El-Elî di berdewama axaftina xwe de soza şopandina xeta şehîdan da ev tişt anî ziman, "Em soz dikin ku em ê şopdarên xeta wan bin da armancên wan pêk bînin. Em ji dayikên şehîdan re dibêjin ku em zarên we ne û şehîd her tim di dilê me de ne."

Endama Rêvebe a Saziya Malbatên Şehîdan Îlham El-Hesen jî axivî û got, "Çiqasî em qala lehengiya şehîdan bikin, em nikarin mafê wan bidin. Em deyndarên şehîdan ne û soz didin ku em destkeftiyên wan biparêzin."

Paşê wesîqeyên şehadetê yên her du şehîdan ji aliyê endama rêveber a Saziya Malbatan Şehîdan ve hatin xwendin û radestî her du malbatên wan hate kirin.

Şêniyan cenazeyên her du şehîdan di nav tilîliyên dayikan û berzkirina dirûşmeyên dilsoziya bi şehîdan re spartin axê.

(şx)

ANHA