Şêniyên Efrînê çalakiyên 26'ê Gulanê silav kirin

Bi hezaran şêniyên Efrînê û Şebanê di çarçoveya çalakiyên 26'ê Gulanê meşiyan û diyar kirin ku wê dagirkeriya Tirk bi binpêkirinên li dijî gel dikin, wê nikaribin radeya gelê herêmê bişkîn in. Meşvanan her wiha bang li hemû rêxistinên mirovî û yên mafê mirovan kirin ku erk û berpirsyariyên xwe beranberî binpêkirinên dagirkeriya Tirk dike, pêk bîn in.

26 gulan, 2018 12:13

ŞEHBA

Bi hezaran şêniyên Efrîn û Şehbayê di çarçoveya çalakiyên 26'ê Gulanê de li Şehbayê meşiyan. Meş li Kampa Berxwedan a li navçeya Fafînê ya kantona Şehbayê hate lidarxistin. Meşvanên ku alên YPG, YPJ, TEV-DEM, Kongreya Star, Meclîsa Katnona Şehba û pankartên bi nivîsên "Rûsiya di parçekirina Sûriyê û guhretina demografî li Efrîn û Xûtayê de şirîka Tirkiyê ye, Bi rihê berxwedana Avesta, Arîn û Barîn dê jinên Efrînê rizgar bibe", "Em çalakiyên 26'ê Gulanê silav dikin", "Erdogan û DAIŞ'ê kujerên zarokan in", "Bijî berxwedana gelê Efrînê" û "Nebin şirîkên qatil Erdogan" vekiribûn

Xwepêşandan bi rêzgirtinê destpê kir, paşê Hevserokapê Meclîsa TEV-DEM'ê li Efrînê Mustefa Hesen axivî û got ku berxwedana gelan li dijî dagirkeriya Tirk û piştgiriya berxwedana gel serkeftinek e û wiha dom kir: "Em bang li civaka navdewletî dikin ku ji bê dengiya xwe derkevin û li dijî dagirkeriya Tirk erka xwe pêk bîn in."

Di berdewama xwepêşandanê de Hevseroka Meclîsa Kantona Şehbayê Wefai Hisên axivî û got ku armanca dewleta TIrk a dagirker ji êrîşa li ser Efrînê ew e ku îradeya gelê herêmê bikşkîne û wiha dom kir: "îro Berxwedana Serdemê didome, şêniyên Efrînê û tavahî Bakurê Sûriyê berxwedana xwe didomîn in. Wê berxwedan hate rizgarkirina tevahî Efrînê bidome."

Piştî axaftinan daxuyaniya Meclîsa Rêveber a Efrînê ji aliyê Hesen Hesen ve hate xwendin.

Di daxuyaniyê de berxwedana Şêniyên Efrînê ya li dijî dagirkeriyê hate bibrîxistin û hate gotin ku hêzên leşkerî yên Bakurê Sûriyê li şûna tevahî cîhanê şerê çeteyên DAŞ'ê kirin.

Di daxuyaniyê de hemû çalakiyên demokratîk ên di 26'ê Gulanê de hatin silavkirin û faşista Tirk hate şermezarkirin û bang li NY, Konseya Ewlekariyê ya navdewletî, YE û hemû saziyên navdewletî kirin ku zextê li dewletat Tirk a dagirker bikin.

(dc)

ANHA