Çete îdîayên xwe derew derdixînin

Hovîtiya artêşa Tirk a dagirker û çeteyên wê roj bi roj eşkere dibe. Li Efrînê rûxandina binsaziya herêmî û guhertina demografî, girtî û reveandin didome. Dagirkeran bi dîmenek ku li ser hesabên xwe yên tevna civakî belav kirine îdîayên xwe derdew derdixînin.

NÛÇE

10 gulan, 2018 11:25

ROJ MÛSA / NAVENDA NÛÇEYAN

Binpêkirinên li Efrînê yên ji aliyê artêşa Tirk a dagirker û çeteyên girêdayî wê didomin.

16‘ê Adarê de, dagirkeriya Tirkiyê bi balafirên tîpa F-16 nexweşxaneya Avirîn a sivîlan hedef girt. Di encamê de 6 sivîl ên ku ji ber êrîşên dagirkeran birîndar bûn, şehîd bûn.

Saziyên ragihandinê yên girêdayî AKP‘ê di weşaneke zindî ji Serokê Desteya Erkan a artêşa Tirkiyê hedefgirtina nexweşxaneya Avirîn red kiribûn û dîmenek ji çapxaneya li nêzî nexweşxaneyê kişandibû û diyar dikir ku nexweşxane nehatiye hedefgirtin.

Di du rojên derbasbûyî de çeteyên girêdayî artêşa Tirk a dagirker li ser hesabên xwe yên tevna civakî dîmeke ku çete di hundirê nexweşxaneya Avirîn digerin, belav kirûbn.

Di dîmen de, diyar dibe ku nexweşxaneya ji 3 qatan, zêdeyî 10 beşdan û derdora 60 odeya pêk dihat tevî alavên xwe hatine xirabkirin. Dîmenê ku hate weşandin hemû îdîayên Tirkiyê yên derbarê nexweşxaneyê Avirîn de derew derdixîne.

Di dîmen de, çeteyek di axivîne û buhayek ji her alaveke ku piştî hatiye xirabkirin diyar dike, her wiha dibêje ku ew ê alavên nexweşxaneyê bifiroşin, ango ew ê bidizin û derbasî Tirkiyê bikin wekî çawa dema kargeh û nexweşxaneyên bajarê Helebê talankirin.

Li Efrînê, rewşa tenduristiyê rastî astengiyan tê, artêşa Tirk li fêrbûna zimanê Tirkî li kadoriyên tenduristiyê feriz kirine û nexweşxaneya Dêrsim girtine.

(bb)

ANHA