ʹBi azadiya Ocalan hemû komplo bin dikevinʹ

HELEB – Di meşê de şêniyên taxê yên Kurd, Ereb, Suryan û Ermen amade bûn, wêneyên Ocalan û têkoşerên azadiyê hildan.  

Meş ji pêşiya hola civînan a taxa Şêxmeqsûd dest pê kir, li kolanên taxê geriya û meşvanan dirûşmeyên daxwaza azadiya Ocalan qîr kirin. Meş li pêşiya navenda YCRʹê rawestiya û li wir deqeyek rêz hat girtin. 

Piştre bi navê MSDʹê Dedran Hemo û bi navê YRCʹê Canfeda Tolhildan axivîn. Axêveran dane zanîn ku komploya navneteweyî ya li dijî Ocalan, li dijî gelên azadîxwaz û jiyana hevbeş hat avakirin.

Di berdewama axaftinan hat zanîn ku hêzên komploger xwestin bi hedefgirtina Ocalan, doza Kurdî û şoreşên gelên azadîxwaz derb bikin. Her wiha hat diyarkirin ku vîna gel û berxwedana Ocalan komployên dijmin vala derxistin. 

Axêveran bal kişandin ser rola pêşeng a ciwanan di şoreşê de û gotina Rêbertiyê ya ʺEm bi ciwantiyê dest pê kir û em ê bi ciwantiyê bi ser bikevinʺ bi bîr xistin. 

Di dawiya axaftinan de bang li rêxistinên navneteweyî û mafên mirovan hat kirin ku tecrîda li ser Ocalan rakin û hesab ji dewleta Tirk a faşîst bixwazin. 

Meş bi dirûşmeyên daxwaza azadiya Ocalanbi dawî bû. 

(mm)

ANHA