10’ê Tîrmehê Mîhrîcana Aştiyê dest pê dike
5’emîn Mîhrîcana Aştiyê ya Çand û Hunera Zarokan dê 10’ê Tîrmehê li Tebqayê dest pê bike.
Ji 2019’an ve her sal li kantonên Reqa û Tebqayê Mîhrîcana Aştiyê ya Çand û Hunera Zarokan tê lidarxistin. Mîhrîcan ji aliyê desteyên çand û hunerê yên her du kantonan ji bo destekdayîn û pêşxistina behreyên zarokan ve ji aliyê desteyên çand û hunerê ve tê organîzekirin.
Desteya Çand û Hunerê ya Kantona Tebqayê 10’ê Tîrmehê roja yekemîn a lidarxistina 5’ê Mîhrîcana Aştiyê ya Zarokan diyar kir. Mîhrîcan dê 3 rojan li ser dika navenda Şehîd Musena Ebdulkerîm a bajarê Tebqayê were lidarxistin.
Di mîhrîcanê de dê stranên stranên foklorî û şano yên çand û kevneşopiya Tebqayê vedibêjin werin nîşandan. Her wiha dê pêşangehên wênexêz û kardestiyên zarokan jî werin vekirin.
Li gorî agahiyên ku hevserokê Desteya Çand û Hunerê ya Kantona Tebqayê Elî El Elaya dane ajansa me, dê 650 zarok bi hunerên xwe beşdarî mîhrîcanê bibin.
El Elaya got: "Komên ku dê beşdarî mîhrîcanê bibin perwerde û provayên xwe dibînin. Zarok jî xêz û kardestiyên xwe amade dikin da ku di mîhrîcanê de nîşan bibin."
(bb)
ANHA
