ʹJi bo azadiya Rêbertî divê em derbasî qonaxeke bihêztir bibinʹ

Rêxistina Partiya Yekitiya Demokratîk (PYD) a bajarê Dêrikê ji xelkê bajarê Dêrik û gundewarên Berav û Koçerat re der barê pergala îşkence û qirkirinê ya li dijî Rêber Abdullah Ocalan semînerek da. Di semînerê de xelkê bajêr, rêveber û endamên saziyên Rêveberiya Xweser a Dêrikê li Navenda Şehîd Bawer a Ciwanên Şoreşger a Sûriyeyê hazir bûn.

Endama PYDʹê ya Dêrikê Ahîn Mihemed semîner bi rê ve bir. Ahîn diyar kir ku divê rûbera çalakiyan were firehkirin û ber bi qonaxeke bihêztir ve were veguhastin ku azadiya fîzîkî ya Rêber Abdullah Ocalan misoger be.

Ahîn destnîşan kir ku li hember hemû hewldan û kampanyayên ku gel ji bo azadiya fîzîkî ya Rêber Abdullah Ocalan li dar dixe, pêwîstî bi yekkirina rêzan û rûbirûbûna pergala îşkence û qirkirinê ya li dijî wî û pûçkirina planên ku azadiya fîzîkî û felsefeya wî dikin hedef heye.

Ahîn wiha domand: "Divê gelê me seferberiya giştî ragihîne û di bin diruşma ʹJi Rêber Abdullah Ocalan re azadîʹ tev li hemû çalakiyan bin. Ji ber ku bi fikir û felsefeya Rêbertî dê aştî ji tevahî civakan re misoger be."

Semîner bi diruşmên banga azadiya fîzîkî ya Rêber Abdullah Ocalan dikin, bi dawî bû.

(fr)

ANHA