Xebatkarên tenduristiyê rabûn xwepêşandanê

Karker, karmend û xebatkarên tenduristiyê yên Nexweşxaneya Gel a Qamişloyê li hember biryara Wezareta Tenduristiyê ya hikumeta demkî rabûn xwepêşandanê. 

Wezareta Tenduristiyê ya hikumeta demkî biryar derxistiye ku mûçeyê rêveber û cîgirên nexweşxane, bijîşkan û hemşîre zêde kirine. Hemşîre jî li gorî asta wan dê mûçeyê wan were dayîn. Karmendên îdarî yê nexweşxaneyê li hemberî vê biryarê rabûn xwepêşandanê û nerazîbûna xwe nîşan dan.

Xebatkarên tenduristiyê li pêşiya Nexweşxaneya Gel xwepêşandan organîze kirin û pankart bilind kiribûn.

Ji xwepêşandêran cîgirê fenî yê Nexweşxaneya Gel Mihemed Şêxî nêrîna xwe anî ziman û got: "Em destekê didin kadroyên tenduristiyê, mûçeyê wan gelekî kêm e û zêde nekirine. Divê cudahiyê nexin navbera kadroyên tenduristiyê û rêveberan. Ji bo xebatkarên tenduristiyê biryareke neqanûnî hatiye girtin. Ji ber vê yekê em dixwazin ku ev biryar li ber çavan were girtin."

Hemşîre Hîbe Hesen El Casim jî got: "Ez ji sala 2017`an ve li nexweşxanê dixebitim. Bi vê biryarê re cudahî xistine navbera kadro û xebatkarên tenduristiyê. Gelekî zulm li me kirin, em daxwaz dikin ku wekhev mûçe bidin û cudahiyê nexin navbera me. Her tişt biha ye û em nikarin debara jiyana xwe bikin.”

(np)

ANHA