Toreke tawankar li kantona Cizîrê hat girtin

Navenda Ragihandina Hêzên Ewlekariya Hundirîn a Herêma Bakur û Rojhilatê Sûriyeyê li ser malpera xwe ya fermî der barê girtina toreke tawankar li bajarê Şedadê de daxuyaniyek da.

Di daxuyaniyê de wiha hate gotin: "Nivîsgeha Têkoşîna Dijî Tawanan a bajarê Şedadê bi hevkariya nivîsgeha li bajarê Hesekê toreke tawankar ku ji 5 kesan pêk dihat, ku destên wan di sûcên çekdarî, revandin û diziyê de heye, girt."

Navendê di daxuyaniya xwe de ev tişt got: "Ev operasyon di 5’ê Sibatê de, piştî agahiyên teqez ji Nivîsgeha Têkoşîna Dijî Tawanan re hatin şandin ku toreke tawankar heye pêk hat. Bi wê re aliyên têkildar dest bi lêpirsîn û rapirsînan kir û di encamê de 2 tawanbar hatin girtin."

Di dewiya daxuyaniya navendê de ev tişt hat got: "Endamên torê di lêpirsînan de li xwe mikur hatin ku gelek sûcên dizî û revandinê pêk anîne. Armanca wan jî ji van sûcan fidyeyan ji malbatên revandiyan bixwazin ku wan serbest berdin. Hêzan ew ji Dozgeriya Giştî re veguhestin ku tedbîrên qanûnî û guncaw li dijî wan werin girtin. Her wiha klaşînkov, çeka bumbikşin, telefon û cercora klaşînkovê."

(fr)