Şêniyên Reqayê şehîd Ednan Mihemed oxir kir

Bi sedan şêniyên bajarê Reqayê endamê Hêzên Ewlekariya Hundirîn Ednan Mistefa Mihemed li goristana bajarokê Hikumiye oxir kir.

ROJANE

30 nîsan, 2024 15:41

REQA

Şêniyên Reqayê, endamên saziyên sivî û xizmetguzariyê yên Reqayê, nûnerên rûspiyên herêmê li Goristana Şehîdan a li bajarokê Hikumiye kom bûn û cenazeyê endamê Hêzên Ewlekariya Hundirîn Ednan Mistefa spart axê ku 24`ê Nîsanê di encama krîza dil de şehîd bûbû.

Li goristanê endamên Hêzên Ewlekariya Hundirîn toreneke leşkerî li dar xist. Dûre endamê rêveberiya Hêzên Ewlekariya Hundirîn Ebdulqadir El Elî axivî û got: "Em ji vir ji vê cihê pîroz careke din dibêjin, xwîna şehîdan rêya me ya ber bi edalet û aştiyê ve ronî dike."

El Elî soz da ku li ser şopa şehîdan bin.

Endama Desteya Jinan a Meclisa Rêveber a kantona Reqayê Emel El Casim sersaxî ji malbata şehîd xwest û teqezî bi girîngiya meşandina têkoşîn û berxwedanê li hemberî êrişan kir.

Di dawiyê de endama Meclisa Malbatên Şehîdan Îman El Ehmed wesîqeya şehadeta şehîd xwend. Piştre girseya gel cenazeyê şehîd li goristanê veşart.

(şx)

ANHA