Şêniyên Efrîn û Şehbayê şehîd Ronahî Amanos oxir kir

Şêniyên kantona Efrîn û Şehbayê cenazeyê rêvebera Tevgera Ciwanên Şoreşger a Sûriyeyê Ronahî Amanos spart axê û soza şopandina rêya şehîdan da.

ROJANE

17 mijdar, 2024 16:59

ŞEHBA

Şêniyên kantona Efrîn û Şehbayê cenazeyê rêvebera Tevgera Ciwanên Şoreşger a Sûriyeyê Ronahî Amanos (Hêvîn Hisên) li Pakrewangeha Şehîd Zozan Amanos a li bajarokê Fafînê yê Şehbayê spart axê. Ronahî di 15’ê Mijdarê de di encama krîza dil de li bajarê Qamişlo şehîd bû.

Di merasîma oxirkirinê de endama Meclisa Malbatên Şehîdan a kantona Efrîn û Şehbayê Menal Şêxo sersaxî da malbata şehîd û got: “Şehîd Ronahî ji malbateke welatparêz û şagirta Rêber Abdullah Ocalan bû. Dilsozê doza xwe bû.”

Endama Tevgera Ciwanên Şoreşger a Sûriyeyê ya kantonê Nadiye Yûsif got: “Bi rihê şehîd Ronahî em tevahî şehîdên azadiyê bi bîr tînin û soza şopandina rêya wan heta pêkanîna azadiya fîzîkî ya Rêber Abdullah Ocalan nû dikin.”

Di dawiya merasîmê de wesîqeya şehadetê ya şehîd Ronahî Amanos hat xwendin û ji bo malbata wê hat radestkirin û şehîd bi tilîliyên dayikan û siloganên “Şehîd Namirin” hat oxirkirin.

(mh/fr)

ANHA