Şehîdên komkujiya Helincê hatin bîrnanîn

Bi dehan endamên sazî û dezgehên Rêbeveberiya Xweser û malbatên şehîdan tev li çalakiya salvegera 4`emîn a bîranîna şehîdên komkujiya gundê Helincê ya bajarê Kobenê bûn.

Civîn bi deqeyeke rêzgirtinê hat destpêkirin. Piştre Koodînasyoona Kongra Star a Kantona Firatê Zozan Bekir di cîvînê de axivî û seraxî ji malbatên şehîdan re xwest.

Zozan bal kişand li ser komkojiya 23`ê Hezîrana 2020`an a ku dewleta Tirk a dagirker bi balafireke bêmirov ku her sê hevrê li gundê Helincê di malekê de hedef girtin û got : Dewleta Tirk ji hêz û vîna jinê ditirse, ji lew re hedef digire. Em ê tu carî xeta wan şehîdan bernedin û em ê her tim li ser rêça şehîdan bin."

Rêveberiya Kongra Star a Kantona Firatê Şaha Xelîl  ji wiha got: “Li Kobanê şoreşê dest pê kir û berxwedana şervan û şehîdên me bi ser ket. Berxwedana ku di Kobanê de hate kirin ji cîhanê tevahî re bû mînak û di dîrokê de bi tîpên zêrîn hate nivîsandin. Arîn Mîrkan, Avesta Xabûr û Barîn Kobanê û bi sedan jinên pêşeng bûn sembol."

Bavê şehîd Habûn Remedan Mele Xelîl salvegera her sê şehîdan li Rêber Abdullah Ocalan û girtiyên di zindanan de pîroz kir û got: "Em bi saya fikir û felsefeya Rêber Abdullah Ocalan gihiştine vê astê. Em bi saya berxwedana şehîdan li vir in. Em bi şehdên xwe serbilind û serfiraz in."

Di dawiyê de sinevizyonek li ser berxwedana her sê şehîdan hate pêşandan û mûm li ber wêneyên wan hatin vêxistin.

Civîn bi dirûşma" Jin, Jiyan, Azadî "bi dawî bû.

ANHA