Şehîd Xalid Weqas hat veşartin

Xelkê Dirbêsiyê yê kantona Cizîrê cenazeyê şehîd Xalid Weqas ê ku di encama nexweşiyê de di 6ˊê Tîrmehê de şehîd bû li Goristana Şehîd Rustem Cûdî ya li gundê Berkevirê yê Dirêbsiyê veşart.

ROJANE

9 tîrmeh, 2024 21:56

HESEKÊ

Di merasîma oxirkirina endamê Federasyona Gaziyan şehîd Xalid Weqas (Zagros Serêkaniyê) de yê ku di 6ˊê Tîrmehê encama nexweşiyê de şehîd bû, bi dehan endamên sazî û meclisan beşdar bûn.

Di merasîmê de hevserokê Meclisa Malbatên Şehîdan a Serêkaniyê Beşar Koş sersaxî da malbata şehîd û got: "Vîn û israra gelan ji êrişên dijmin xurttir in."

Li aliyekî din jî endamê Federasyona Gaziyan a Bakur û Rojhilatê Sûriyeyê Elî Ehmed behsa têkoşîna şehîd û fedakariyên wî di oxira azadiyê de kir û got: "Em soz didin ku têkoşîna li ser rêça şehîdan dewam bikin û rêça wan heta serkeftinê bişopînin."

Her wiha endamê Meclisa Leşkerî ya Amûdê Îmad Biro axivî û got: "Em ê li hember tevahî êrişên dijmin bisekinin û rêç şehîdan bişopînin."

Her wiha birayê şehîd Xalid Weqas, Mihemed Weqas soz da ku rêça şehîdan bişopîne û hêviyan wan pêk bîne.

Di dawiyê de wesîqeya şehîda hat xwendin û radestî malbatê hat kirin.

(fr)