Şehîd Şoreş Efrîn û Şîlan Efrîn li Şehbayê hatin oxirkirin

Şervanê HREˊyê Şoreş Efrîn û şervana YPJˊê Şîlan Efrîn li Goristana Şehîdên Berxwedana Serdemê ya li navçeya Ehrezê ya kantona Efrîn û Şehbayê hatin oxirkirin.

ROJANE

20 sibat, 2024 17:40

ŞEHBA

Şervanê Hêzên Rizgariya Efrînê (HRE) Şoreş Efrîn (Îsmaîl Ekrîme) dema li ser erka xwe bû bi nexweşiyê di 18’ê Sibatê de gihişt asta şehadetê.

Şervana Yekîneyên Parastina Jin (YPJ) Şîlan Efrîn (Şêrîn Horîk) di 22ˊyê Çileyê de li Tebqayê gihişt asta şehadetê.

Şêniyên kantona Efrîn û Şehbayê cenazeyên şehîd Şîlan Efrîn û Şoreş Efrîn ji Nexweşxaneya Avrîn a navçeya Fafînê ya Şehbayê wergirtin û ber bi goristanê ve bi rê ketin.

Li goristanê endama Meclisa Malbatên Şehîdan Mihemed Wilo sersaxî da malbata şehîd û tevahiya şêniyên kantona Efrîn û Şehbayê û bal kişand ser soza ku gelê Bakur û Rojhilata Sûriyayê daye şehîdên xwe. Her wiha wilo diyar kir ku dê hevrê û malbatên şehîdan têkoşîna wan bidomînin.

Piştre, endama kogra Star a kantona Efrîn û Şehbayê Leyla Xelîl axivî û wiha got: "Ruxmî êriş û dorpêça li ser Şehbayê, lê belê gel rêya berxwedanê hilbijaritî ye. Ev yek jî bi saya şervanên me û şehîdên me ne. Em soza xwe li hember şehîdên xwe nû dikin."

Piştre wesîqeyên şehîd Şoreş Efrîn û Şîlan Efrîn hatin xwendin û radestî malbata wan hatin kirin. Cenazeyên şehîdan bi siloganên "Şehîd namirin" û tilîliyên dayikan hatin veşartin.

ANHA