Şehîd Fadî Elî hat oxirkirin

Endamê Hêzên Ewlekariya Hundirîn Fadî Elî ji aliyê şêniyên Tebqayê ve bi merasîmekê hat oxirkirin.

ROJANE

30 adar, 2025 14:56

TEBQA

Endamê Hêzên Ewlekariya Hundirîn Fadî Elî ku 29’ê Adarê li bendava Tişrînê şehîd bûbû, îro bi merasîmekê li Pakrewangeha Şehîdan a Tebqayê hat oxirkirin. Bi sedan şêniyên kantona Tebqayê, endamê û rêveberên saziyên Rêveberiya Xweser, partiyên siyasî, meclis û koçberên ji Efrîn-Şehbayê beşdarî merasîmê bûn.

Di merasîmê bi navê Hêzên Ewlekariya Hundirîn fermandarê Hêzên Operasyonan Beşîr El Elî û bi navê Meclisa Olî Bozan Hemo axivîn.

Di axaftinan de hate gotin, ewlehî û aramiya li herêmên Bakur û Rojhilatê Sûriyeyê bingeha xwe ji keda şehîdan digire. Axêveran heya têkbirina dagirkeriyê li tevahî Sûriyeyê, soza domandina rêya şehîdan da.

Piştî axaftinan wesîqeya şehîd hat xwendin û radestî malbata wî hat kirin. Hevalên şehîd cenazeyê şehîd hilgirt ser milan û bi dirûşmên dilsoziya bi şehîdan re spart axê.

(bb)

ANHA