`QSD’ê hêzeke netewî ye nûnertiya hemû pêkhateyên Sûriyeyê dike`

Şêniyên bajarên Dêrik û Çil Axa yên kantona Cizîrê baweriya xwe bi Hêzên Sûriya Demokratîk (QSD) teqez kirin, ji ber ku hêzeke netewî ye û ji hemû pêkhateyên Sûriyeyê pêk tê.

Şêniyê ji bajarê Dêrikê yê bi navê Ehmed El Îsa diyar kir ku QSD’ê mertaleke parastina deverê  ye û dê wiha bimîne jî. El Îsa ev li gotinên xwe zêde kir: “Ew hêzeke neteweyî ye ku sazûmaniya wê ya leşkerî hemû pêkhate û aliyên sûriyeyî dihewîne. Ew nûnertiya pêkhateyekê bi tenê nake, lê armancên wê diyar in ku avakirina Sûriyeya demokratîk a nenavendî û mafên hemû pêkhateyan dabîn dike.”

El Îsa anî ziman ku baweriya wan bi hêza wan mezin e û got: “Ji ber ew hêza yekem e ku di salên aloziya Sûriyeyê de li hember rêxistina herî hovane li ser rûyê erdgê tê koşiya û di oxira azadiyê û demokrasiyê de bi hezaran şehîd feda kirin. Lewma em bi hêza QSD`ê bawer in ku tevahî erdnîgariya Sûriyeyê biparêze.”

Îsa di dawiyê de  careke din piştgiriya xwe bi QSD`ê re li hember tevahî gefên li dijî herêmê, teqez kir.

Şêniyê bi navê Xelîl Gulê yl ji Çil Axa destnîşan kir ku QSD’ê nûnertiya vîna hemû sûriyeyan dike û ew hêza yekane ye ku ji bo pêkanîna hêviyên gelê Sûriyeyê tê dikoşe.

Gulê diyar kir ku QSD`ê di aloziyê de yekitiya ax û gelê Sûriyeyê parast.

Gulê wiha pê de çû: “QSD`ê li hember êriş û planên li dijî aştiya navxweyî tê koşiya. Bi jiyana hevbeş di nava welatekî de bawer e. Em ê heta dawiyê li kêleka hêzên xwe bin. Israra me ya bidestxistina Sûriyeya demokratîk a nenavendî, her ku diçe zêdetir dibe.”

Ji aliyê xwe ve şêniya bi navê Xewla Mûsa diyar kir ku (QSD) hêzeke netewî ye ku nûnera hemû pêkhate û beşên Sûriyeyê ye got: “Ev yek di sazûmaniya wê de jî diyar dibe ku hemû pêkhateyan dihewîne."

Her wiha Xewla anî ziman ku li dijî herêmê û hêzên leşkerî bi armanca têkbirina aramî û yekîtîya pêkhateyên Sûriyeyê plan têne danîn, lê ew piştrast in ku çawa yên berê têk birin dê niha jî têk bibin.

Xewla destnîşan kir ku Sûriye welatê hemû pêkhateyan û QSD`ê hêza ku vê yekitiyê temsîl dike, lewma li ser asta leşkerî û çapemeniyê, rûbirûyî êrişan e.

Xewla Mûsa di dawiyê de wiha anî ziman: "Em dizanin ku bi saya QSD`ê komkujî li herêmê çênebûn mîna li herêmên din ên Sûriyeyê çêbûne. Em ê li kêleta QSD`ê bin û li ser bingeha şerê gel ê şoreşgerî, li kêleka wê li ber xwe bidin ta ku azadiyê û rûmetê bi dest bixin.”

(ac/şx)

ANHA