Qanûna Dabeşkirina Îdarî hat erêkirin

Civîn li hola civînan a avahiya Rêveberiya Xweseriya Demokratîk a Reqa hat lidarxistin. Di civînê de Desteya Hevserokatiya Meclisa Gelan a Demokratîk, endamên Meclisên Gelan ên 7 kantonan, hevserokên Desteya Rêveberiyên Herêmî û Şaredariyan û hevserokên Komîseriya Bilind a Hilbijartinan beşdar bûn.

Di civînê de reşnivîsa Qanûna Dabeşkirina Îdarî hat xwendin. Reşnivîs ji 5 madeyên pêk tê: Dabeşkirina Îdarî yên Rêveberiya Xweseriya Demokratîk a Herêma Bakur û Rojhilatê Sûriyeyê, Dabeşkirina Îdarî yên her kantonekê, nûkirina yekîneyên îdarî.

Her madeyek bi tenê hat xwendin, li ser hat nîqaşkirin û guhartinên guncaw hatin çêkirin; çi rêxistinî çi jî qanûn. Ji wan guhartinan bajarê Kobanê li şûna bajar bû bajarê mezin.

Dûre li ser her madeyekê dengdayîn hat kirin û di dawiyê de endamên Meclisa Gelan a Demokratîk li madeyan bi giştî erê kirin û ji bo pratîkê amade ne.

Her wiha Meclisa Gelan a Demokratîk Şehrîban Çawîş a ji kantona Minbicê û Newroz Salih a ji kantona Firatê bo endamên Komîseriya Bilind a Hilbijartinan erê kirin.

Di rûniştinê de meclisê li ser nivîsa ji hêla Meclisa Rêveber a Rêveberiya Xweseriya Demokratîk de hatiye ku Xelef El Meter bibe hevserokê Desteya Perwerde û Fêrkirinê ya Herêma Bakur û Rojhilatê Sûriyeyê erê kir.

Piştî dengdayînê û nivîsên hatine pêşkêşkirin endamên sond xwar da ku dest bi karên xwe bikin.

(fr)

 ANHA