Piştî Brîtanya DYA û Konseya Ewropayê ceza li Rûsyayê birîn
Koşka Spî îro ragihand ku zêdetirî 500 cezayên nû li Rûsyayê biriye.
Koşka Spî îro ragihand ku cezayên nû li kesên têkiliyên wan bi girtina muxalîfê Rûs Alexei Navalny ê hefteya borî mir heye û li saziyên aborî û bingeha pîşesaziya berevaniyê yên Rûsyayê biriye.
Washington da zanîn ku di encama cezayan de berhemên zêdetirî 100 saziyên destekê didin şerê Rûsyayê têne sînordarkirin.
Konseya Ewropayê jî îro beşa 13'emîn a cezayên li dijî Rûsyayê diyar kir.
Koordînatorê siyaseta derve ya Yekitiya Ewropayê Josep Borrell diyar kir ku cezayên nû ji bo berpirsên ku "Şerê derqanûnî didomînin û destekeke mezin didin şer" ne.
Konseya Eworpayê biryar da ku ceza li 106 kesên din û 88 saziyên ku gefê li ewlehiya herêmî û serxwebûna Ukraynayê dixwin bibire.
Brîtanyayê jî duh zêdetirî 50 cezayên nû li Rûsyayê birî bû
(mh)
