‘Pergala hevsrokatiyê gavek ber bi wekheviyê ve ye’

Rêveberên jin ên kantona Dêrazorê der barê girîngiya pergala hevserokatiyê di saziyan de ji ajansa me re axivîn. 

Endama Desteya Hevserokatiyêa Meclisa Rêveber a Kantona Tebqayê Rehma El Elî diyar kir ku ji ber urf û adetên kevnperest gelek zehmetî li hemberî pergala hevserokatiyê derketin.

Rehma El Elî anî ziman ku hin rêveberan beşdariya jinan di saziyên biryardayînê de red dikir û got: "Pergala hevserokatiyê li gel mercên ewlehî û fikrê tundraw ku DAIŞ’ê li hin herêman li du xwe hiştibûn serkeftineke mezin e.”

Hevseroka Desteya Perwerde û Fêrkirinê ya Kantona Dêrazorê Şirûq El Betah jî da zanîn ku jinên li Bakur û Rojhilatê Sûriyeyê pêvajoyên paşguhkirin û zayendperastî derbas kirine û cihê xwe yê çalak di hemû sazî û meclisan de girtin. Her wiha got: "Ev jî bi saya fikir û felsefeya Rêber Abdullah Ocalan e ku rêgeza wekheviya zayendî sepandiye.”

Endama Nivîsgeha Arşîvê ya Desteya Hundirîn a Kantona Dêrazorê Meyada El Omer destnîşan kir ku pergala hevserokatiyê hişt ku jin ji zextên civakî yên ku mafên wê yên kar û beşdariya civakî standibûn, rizgar kirin.

Meyada El Omer anî ziman: "Jinan bi beşdarbûna xwe di panel û civînên hişyarkirinê de hêza ya pêşketinê îspat kirine û bi vî awayî li dijî zihniyeta mêran a ku demek dirêj e li herêmê serdest e, derdikevin."

(bb)

ANHA