Oldaran banga rêgirtina li ber xîtaba nefretê kir

Oldaran banga belavkirina nirxên jiyana hevbeş û rêgirtina li ber gotinên nefretê kir.

ROJANE

15 ÇILE, 2026 13:50

HESEKÊ

Kongreya Îslama Demokratîk bi armanca şîrovekirina geşedanên li Sûriyeyê diqewimînin, civînek li Mizgefta Miseb Benî Umeyîr a li taxa Til Hecer a bajarê Hesekê li dar xist. Bi dehan mela û oldar beşdarî civînê bûn.

Hevserokê Meclisa Kongreya Îslama Demokratîk a bajarê Tirbespiyê mela Hogir Hesen axivî û cewherê rasteqîn ê îslamê vegot. Mela Hogir Hesen anî ziman ku di îslamê de sûc û lîstina bi cenazeyan qedexe ne. Her wiha li hemberî xîtaba kîndariyê jî bal kişand ser girîngiya belavkirina xîtaba ola mutedîl û nirxên exlaq û mirovahiyê.

Hevserokê Meclisa Kongreya Îslama Demokratîk a bajarê Qamişloyê mela Silêman El Elî jî anî ziman ku peyama pêxember Mihemed teqez dike ku erkên oldaran ew e ku li hemberî zilmê bê deng nemînin û piştgiriyê bidin heqiyê.

Di dawiya civînê de girîngiya belavkirina xîtaba aştî û jiyana hevbeş û çanda diyalogan, rêgirtina li pêşiya xîtaba nefret û kîndariyê hat destnîşankirin.

(b)

ANHA