Meclisa Jinan a PYDˊê ya Minbicê civînek li dar xist

Meclisa Jinan a Partiya Yekitiya Demokratîk (PYD) ji çend rojan ve dest bi civînên xwe yên fireh bo meclisên xwe li bajar, bajarok û kantona Herêma Bakur û Rojhilatê Sûriyeyê kiriye.

Civîn li hola Meclisa Rûspiyan a Minbicê bi navê ˊRêxistinkirina jinan û civakê misogeriya azadiya Rêber Abdullah Ocalan eˊ li dar ket. Di civînê de endamên meclisê ya kantonê beşdar bûn. Endama Meclisa Malbatên Şehîdan a kantonê Huda Mûsa axivî û hemû şehîd Gulanê bi bîr anîn.

Li aliyekî din jî endama Meclisa Kombûna Jınan a Zenûbiya ya kantonê Asya Mihemed berxwedana jinan li Herêma Bakur û Rojhilatê Sûriyeyê û fedakariya wan di tevahî aliyan de silav kir. Asya diyar kir ku azadiya jinan bi azadiya fîzîkî ya Rêber Abdullah Ocalan ve girêdayî ye.

Berdevka Meclisa Giştî ya Jinan a PYDˊê Zehra Semo şehîd Şîlan Kobanê bi bîr anî.

Dûre sînevîzyonek li ser nirxandinên Rêber Abdullah Ocalan ên der barê xwerêxistinkirina jinan li tevahî qadan hat pêşkêşkirin. Piştre berdevka Meclisa Jinan a PYDˊê ya kantonê Rîm Derwêş rapora xebata meclisê ya 2 salan xwend.

Piştî rapor hat xwendin, beşdaran nîqaş kir. Beşdaran got ji erka her endameke PYDˊê ye ku rola xwe bi belavkirina zanabûnê bilind bike.

Di dawiyê de 7 endam ji bo Meclisa Jinan a PYDˊê ya Kantona Mınbicê hatin hilbijartin. Ew jî ev in: Semîre El Elî, Aîde Hindawî, Emel Hemo, Sozan El Ugle, Fewziye Ilêwî, Feda Misto û Narîn Silo.

(fr)

ANHA