Li Tebqayê pêşangeheke wêneyan hat vekirin

Navenda Hîlala Zêrîn a kantona Reqayê û Meclisa Kombûna Jinan a Zenûbiya ya kantona Tebqayê têkildarî azadiya jinan, têkoşîn û hebûna wan pêşangehek vekir.

JIN

3 adar, 2025 19:00

TEBQA

Navenda Hîlala Zêrîn a kantona Reqayê tabloyên hunerî yên 5 şêwekaran li pêşiya Meclisa Kombûna Jinan a Zenûbiya ya bajarê Tebqayê di pêşangehekê de pêşkêş kirin. Di pêşangehê de bi dehan jinên herêmê, nûnerên meclis, deste û nivîsgehên Rêveberiya Xweseriya Demokratîk a kantona Tebqayê beşdar bûn.

Ji tabloyên balkêş ên pêşangehê wêneyên şehîd Kerem El Hemed û şehîd Seydo Qamişlo bûn. Ew her du li Bendava Tişrînê di êrişên dewleta Tirk a dagirker de şehîd bûn.

Di tabloyeke din de jî kulîlkek di devê tifingê de şîn dibe. Ew yek, tevî rewşên dijwar nûnertiya hêviyê dike. Her wiha di tabloyeke din jî 2 kes û li pişt wan Bendava Tişrînê heye. Di vê tabloyê de xwezaya derdora bendavê û cilên gelêrî tên nîşandan.

Tabloyeke din jî, jinek tevî kevokeke spî hatiye xêzkirin û kevok dûr divire. Kevok nîşaneya aştî û azadiyê ye, lê li ser rûyê jinê hestên xemgîniyê diyar dibin. Tabloyên din jî têkoşîna jinan a di dirêjahiya serdeman de wêneyên kulîlkan ên ku nîşaneya jiyan, hêvî û nûkirinê dide, hene.

(mh/fr)

ANHA