Li Minbicê parkek hat vekirin

Meclisa Malbatên Şehîdan a kantona Minbicê bi boneya Roja Şehîdan 18'ê Gulanê parkek bi navê Parka Şehêdan li bajêr vekir.

Di merasîma vekirina parkê de malbatên şehîdan, endamên Rêveberiya Xweseriya Demokratîk a kantonê, Meclisa Malbatên Şehîdan, Meclisa Leşkerî ya Minbicê û Meclisa Leşkerî ya Jinan, Mala Gaziyan, Meclisa Kombûna Jinan a Zenûbiya beşdar bûn.

Di serî de bavê şehîd Mihemed Îbrahîm, Îbrahîm Îbrahîm destnîşan kir ku ew park bi saya fedakariya şehîdan û keda Meclisa Malbatên Şehîdan, hat vekirin.

Piştre dayikên şehîdan di nava tilîliyan de deriyê parkê vekir.

Endamê Mala Gaziyan Mihemed Xêr fedakariya şehîdan silav kir û soza şopandina rêya şehîdan nû kir.

Her wiha, endama Meclisa Gelan a Rêveberiya Xweseriya Demokratîk a kantonê Hind Daxistanî got: "Em îro tevahî di vekirina Parka Şehîdan de beşdar dibin. Ev yek ji bo fedakariya şehîdan tiştekî biçûk e. Em ê ji bo belavkirina demokrasiyê li seranserî Sûriyeyê tê bikoşin."

Berdevka Meclisa Kombûna Jinan a Zenûbiya ya kantonê Ruweyde Hinêzil got: "Îro me xwest em nirxê şehîdan ên ku xwe ji bo jiyana birûmet feda kirine û rola wan di parastina xak û namûsê bi bîr bînin."

Di dawiya merasîmê de koma Vejîn stranên gelêrî û folklorî pêşkêş kirin.

(mh)

ANHA