Li Helebê çalakiyên têkoşîna li dijî tundiya li ser jinan

Derbarê çalakiyên Roja Navneteweyî ya Têkoşîna li dijî Tundiya li Ser Jinan, Yekîtiya Jina Ciwan li bajarê Helebê dest bi belavkirina birûşûrên bi zimanên Erebî û Kurdî kirin. 

Di pêngava ku bi silogana "Kombibin" a li ser asta Bakur û Rojhilatê Sûriyeyê de, li Helebê bi dehan endamên Yekîtiya Jinên Ciwan derdora 800 birûşûr belav kirin.

Di birûşûran de banga rawestandina tundiya li dijî jin û zarokan, her wiha daxwaza tevlîbûna li çalakiyên ji bo azadiya Rêber Ebdullah Ocalan, hate kirin.

Yek ji rêvebera di Yekîtiya Jinên Ciwan Şemis Elî ji ajansa me re axivî û diyar kir ku belavkirina birûşûran beşek ji pêngava ku bi dirûşmeya "Kombibin"  de, ku 4 mehan berdewam kir, pêk hat.

BERWERDE JI BO ENDAMÊN MECLIS Û KOMÎNAN

Her wiha di hema çarçoveyê de Kongra Star li bajarê Helebê li ser 3 rojan dest bi perwerdeyê ji bo endamên Meclis û Komînan derbarê têgeha cinsiyetperestiyê kir.

Li gorî bernameya Kongra Star perwerde roja 21`ê Mijdarê seat 8 sibehê li ser asta Meclis û Komînan li taxên Şêxmeqsûd û Eşrefiyê dest pê kir.

Yek ji rêveberên Komînên Meclisa taxa Şehîd Gelhat Elî Mistefa ku tev li bû got: armanca sereke ji perwerdeyê ku endamên komînan ji hişmendiya baviksalarî rizgar bibin.

 (ac)

ANHA