Li Dêrazorê bazirganekî pereyên sexte hate girtin
Hêzên Ewlekariya Hundirîn bazirganekî pereyên sexte li rojavayê kantona Dêrazorê girt.
![Li Dêrazorê bazirganekî pereyên sexte hate girtin](https://hawarnews.com/kr/uploads/images/202402/image_870x_65d33f88320b1.jpg)
Navenda Ragihandinê ya Hêzên Ewlekariya Hundirîn agahiyên nû têkildarî hewldanên xwe yên li herêmê parve kirin û aşkera kir ku li rojavayê Dêrazorê bazirganekî pereyên sext girtiye.
Navendê ev agahî parve kirin: "Sêşemê kesekî ku bazirganiya pereyên sexte dikir, li rojavayê Dêrazorê hate girtin."
Di dewama daxuyaniyê de hate gotin: "Hêzên me piştî xebatên şopandinê, bi ser maleke li herêma Ebû Xeçeb a rojavayê Dêrazorê de girt û ew kes girt. 3 hezar û 100 dolarên sexte ku pê re bûn, desteser kirin."
Di daxuyaniyê de hate diyarkirin ku piştî qedandina lêpirsînan, kesê gumanbar sewqî aliyên têkildar hatiye kirin.
(şx)