Kongra Star: Em piştgiriya têkoşîna jinên Afganî dikin 

Kongra Star ji bo salvegera roja hukmê Afganistan ket destê Talîban de daxuyanî da. Daxuyanî ji aliyê endama Kordînasyona Kongra Star Muna Îbrahîm ve hate xwendin. 

Daxuyanî wiha ye:

"Weke îro hukmê Afganistan kete destê tevgera Talîban de, pênc sal ji bo jinên Afganistan pêvajoyeke tarîtiyê ye û jinên Afganistan ji hemû mafên xwe hatin mehrûmkirin.

Ji roja destpêke Talîban li Afganistanê bûn iqtîdar jinên Afgan hemwelatiyên bê mafin û her tim hebûna wan di xeteriyê de ye. Jinên Afgan ji hemû mafên wan ên qanûnî û navneteweyî hatin mehrûmkirin, nema dikarin bixwînin, biçin dibistan û zanîngehan. Her wiha jinên Afganî nema dikarin bixebitin û ew ji jiyana aborî dûrxistin. Her wiha Talîban azadiya jinên Afgan qeyd kir, destûr nadin ku jin azad tevbigerin û xwedî îrade bin. Destdirêjî jinan dikin û hewl didin di nava civakê de dawî li hebûna jinan bînin. Tişta li Afganistan diqewimê ne tenê polîtîkayeke herêmî ye, li hemberî mirovahiyê û rûmetê sûc tê kirin. Em weke Kongra Star piştgirî didin têkoşîna jinên Afganî û daxwazên wan ên azadî û mafên wan. Her wiha hemû cureyên destdirêjiya li dijî jinên Afganî şermezar dikin. Ji saziyên navneteweyî û hiqûqî daxwaz dikin ku bê deng nemînin û zextê li iqtîdara Talîban bikin, da ku dawî li binpêkirinên xwe bînin."

Di dawiya daxuyaniyê de dirûşma Jin, Jiyan, Azadî berz kirin.

(np)

ANHA