Konferansa Rola Ciwanan di Şerê Gel ê Şoreşgerî de bi dawî bû

Bi sponseriya Tevgera Ciwanên Şoreşger a Sûriyeyê, Desteya Ciwan û Werzîşê vê sibehê li bajarê Qamişloyê konferansa nîqaşkirina rola ciwanan di şerê gel ê şoreşgerî de hat lidarxistin.

Konferans li hola Yekitiya Werzîşê bi beşdariya endamên Tevgera Ciwanên Şoreşger, Yekitiya Jinên Ciwan, tîmn werzîşê hat organîzekirin.

Di konferansê de perspektîfên Rêber Abdullah Ocalan ên têkildarî şerê gel ê şoreşgerî hatin xwendin.

Her wiha tîma Asayîşê ya karatê hunerên şer û tîma Yartûta ya Suryanî gelek govendên folklorîk pêşkêş kirin.

Her wiha tîma Çiya ya Kickboxing hunerên şer ên cuda û Dibistana Nimor a Navneteweyî ya taykwando hunerên şer ên xweparastinê pêşkêş kirin.

Li kêlek wê jî sînevîzyonek li ser modela şerê gel ê şoreşgerî di têkoşîna tevgera azadiya Kurdistanê û Şorşea 19ʹê Tîrmehê de hatin pêşkêşkirin.

Konferans bi gelek encamnameyên girîng bi dawî bûn û ji hêla rêvebera Komîteya Şopandinê ya Desteya Ciwan û Werzîşê Betûl El Semîr ve hatin xwendin û wiha ne:

Parastin û zêdekirina hişyarî weke armanca bingehîn a ciwanan be

Her endamek ciwanan endamek parastina civakî ya ciwanan e.

Armanca bingehîn bilindkirina têkoşînê di oxira pêkanîna azadiya fîzîkî ya Rêber Abdullah Ocalan de be.

Rizgarkirina Serêkaniyê, Girê Spî û Efrîn erkeke bingehîn e.

Vekirina dewreyên perwerdê ji bo geşkirina têgeha şerê gel ê şoreşgerî.

Di dawiyê de ciwanek ji pêkhateya Ereb û yek ji pêkhateya Kurd ji kantona Cizîrê tev li tevgera azadiya Kurdistanê bûn û li pêş beşdaran sond xwarin.

(fr)

ANHA