Kartên ezmûnan li xwendekarên dibistanên navîn tên belavkirin

Desteya Perwerdeyê dest bi belavkirina kartên ezmûnan li xwendekaarên dibistanên navîn ên li dibistanên rejîma berê dixwend, belav kir.

ROJANE

18 hezîran, 2025 13:52

REQA

Tomarkirina xwendekaran dibistanên navîn di 11’ê Hezîranê de dest pê kir û heta 16’ê Hezîranê berdewam kir. Di 17’ê Hezîranê de jî kartên ezmûnan li xwendekaran hatin belavkirin.

Li gorî ku Wezareta Perwerdeyê ya hikumeta pêvajoya derbasbûnê ya Sûriyeyê ezmûnên dibistana navîn (pola 9’an) ên rêbazên rejîma berê dê di 21’ê Hezîranê de dest pê bikin.

Desteya Perwerde û Fêrkirinê ya Rêveberiya Xweser ragihand ku navendên ezmûnan li kantonên Cizîr, Reqa, Tebqa û Dêrezorê hatine amadekirin. Meclisên rêveber jî ji bo pêkanîn û rêveberina pêvajoya ezmûnan komîteyek ava kiriye û hemû kel û pelên pêwîst amade kirine.

Desteya Perwerde û Fêrkirinê ragihand ku tomarkirina navên xwendekarên dibistanên amadeyî (pola 12’an) 22`yê Hezîranê dest pê dike û 26`ê Hezîranê bi dawî dibe.

Ji bo gotûbêjkirina mekanîzmayên pêkanîna ezmûnan, 10`ê Hezîranê civînek di navbera Desteya Perwerde û Fêrkirinê ya Rêveberiya Xweseriya Demokratîk û Wezareta Perwerdeyê ya hikumeta derbasbûnê ya Sûriyeyê de hatibû lidarxistin.

(k)

REQA

tebqa