Ji malbatên 3 şehîdan re sersaxî hat xwestin

Di merasîma sersaxiyê ya şehîd Tolhildan Egîd, Elî Çîçek û Can Efrîn de soza berxwedanê û xwedîderketina li şehîdan hate dayîn.

ROJANE

9 ÇILE, 2025 14:48

HELEB

Ji bo şehîdên berxwedana Bendava Tişrînê Tolhildan Egîd, Can Efrîn û Elî Çîçek konê sersaxiyê hat vedan. Endamên saziyên sivîl û partiyên siyasî jî di nav de bi sedan şêniyên taxên Şêxmeqsûd û Eşrefiyê yên Helebê herikîn bin kon û sersaxî ji malbatên her sê şehîdan re xwest.

Di bin kon de merasîmek hat lidarxistin. Piştî deqeya rêzgirtin axaftin ji aliyê nûnerên meclis û komînan ve hatin kirin.

Di axaftinan de berxwedana li Bendava Tişrînê hat silavkirin û hate diyarkirin ku ev bexwedan ketiye rûpelên dîrokî.

Di axaftinan de êrişên dewleta Tirk a dagirker ên li ser karwanê gel ê berî dida Bendava Tişrînê hat şermezarkirin û bi van gotinan soza domandina xeta şehîdan hate dayîn "Em ê bi çekan destekftiyên şehîdan biparêzin. Berdêl çi dibe bila bibe em ji heq û azadiya xwe nayên tawîzan nadin. Em ê têkoşînê berdewam bikin. Heya dilopa dawîn a xwînê em ê li hemberî dagirkirî û siyasetên qirkirina Kurdan li ber xwe bidin."

Merasîm bi dirûşmên "Şehîd namirin" bi dawî bû.

(bb)

ANHA