Ji bo meşa mezin xelk berê xwe didin Qamişlo û Hesekê

Xelkên bajar, bajarok û gundên girêdayî bajarên Qamişlo û Hesekê ij bo tevlêbûna meşa 9`ê Cotmehê berê xwe didin bajarê Qamişlo û Hesekê qadên ku meş lê bên lidarxistin.

ROJANE

9 cotmeh, 2024 10:18

NAVENDA NÛÇEYAN

Bi hezaran xelkê bajarê Dêrikê, Girkê Legê, Çilaxa, Til Koçer, Til Hemîs, Tirbespiyê û Amûdê, bajarokên girêdayî wan ji bo tevlîbûna meşa 9`ê Cotmehê berê xwe didin bajarê Qamişlo, gelê bajarê Til Birak, Şedadê, Hol, Til Temir Zirgan, Dirbesiyê û Erîşe jî berê xwe didin bajarê Hesekê.

Xelk bi rakirina wêneyên Rêber Abdullah Ocalan bi rêya seyare û basan bi rê ketin.

Wê meş bi dirûşma pêngava navnetewî “Ji Rêber Apo re Azadî, Ji Pirsgirêka Kurd re Çareserî” saet 11:00`an dest pê dike. Li bajarê Qamişlo meş ji Çerxerêya Osman Sebrî û li bajarê Hesekê ji çerxerêya Şehîd Arîn dest pê dike.

Li gorî agahiyên Inîsiyatîfa Gel ji bo şermezarkirina komploya navnetewî ya li dijî Rêber Abdullah Ocalan wê bi deh hezaran xelk tevlî meşan bibin.

Xwediyê dikanan jî ji bo tevlî meşê bibin dikanên xwe girtin e.

(sb/he)

ANHA

Girkê Legê

Tirbespiyê

şedadê

til hemis

til birak

til temir

çil axa

dêrik