Hêzên Ewlekariya Hundirîn ên Dêrazorê xebatên salekê nîqaş kirin

Hêzên Ewlekariya Hundirîn ên kantona Dêrazorê civîna xwe ya salane ji bo nirxandina rewşa siyasî, ewlehî û danîna nexşerêya sala bê civîna salê li dar xist.

Civîn li hola Navenda Çand û Ronakbîrê ya herêma Meamil, bi amadebûna Fermandariya giştî ya Hêzên Ewlekariya Hundirîn a Herêma Bakur û Rojhilatê Sûriyeyê, fermandarên Hêzên Ewlekariya Hundirîn ên Dêrazorê, nûnerên ji Meclisa Rêveber a Dêrazorê, Meclisa Kombûna Jinan a Zenûbiya, endamên hêzan û Desteya Hundirîn a kantona Dêrazorê hat lidarxistin.

Civînê bi deqeyek rêzgirtinê dest pê kir. Dûre endama rêveber a Hêzên Ewlekariya Hundirîn a Dêrazorê Fadiya El Badî bixêrhatina beşdaran kir û bal kişand ser girîngiya vê civînê ji bo nirxandina destkeftiyên ewlehiyê yên li Dêrazorê û pêşxistina mekanîzmayên xebatê ji bo rûbirûbûna zehmetiyên zêde.

Li aliyekî din jî endamê Meclisa Giştî ya Partiya Sûriya Pêşerojê Cahid El Hesen rewşa siyasî nirxandin û bal kişand ser peymana 10ˊê Adarê.

Dûre sînevîzyonek li ser xebat û karên hêzan ên salekê sînevîzyonek hat pêşkêş kirin. Rapora salê jî ji hêla endama Hêzên Ewlekariya Hundirîn Fatme El Mistefa ve hat xwendin.

Civîn bi nîqaş û diyalogê dewam kir û li sin encamnameyekê ji bo qonaxa bê lihevkirin çêbû û wiha ye:

Zêdekirin dewreyên perwerdê ji bo endaman ku asta wan a fikrî, felsefî û siyasî bilind bibe.

Berfirehkirina belavkirina pergala kamereyên çavdêriyê li bajar û bajarokan ji bo parastina civakê ji şaneyên terorîst.

Zêdekirina hemleyên ewlehiyê yên ji bo serdegirtina şaneyên DAIŞˊê û aliyên texrîbkar li herêmên germ.

Di dawiyê de hêzan anî ziman ku ew ê her tim parastina gelê xwe, destkeftiyên şehîdên kantona Dêrazorê û projeya neteweya demokratîk bikin.

(fr)

ANHA