Helwestên bi fikar ên hêzên navneteweyî ji tundiya li Siweydayê

Cîgira şandeyê NY`ê yê ji bo Sûriyeyê Necat Ruşdî got: “Ez ji raporên li ber destê me yên girêdayî tundî û revandina li Siweydayê çêdibin û di encamê de gelek qurbanî ketine, bi fikar im.”

Necat bang li hikumeta veguhêz a Sûriyeyê û aliyên têkildarî kir ku ji bo parastina sivîlan û vegerandina ewlehiyê, demildest gav bavêjin.

Necat destnîşan kir ku ji bo ku çareseriya siyasî ya pêbawer û giştî li Sûriyeyê û li ser bingeha rêgezên serxwebûnê, serdestiyê û rihetiya herêmî pêk were, divê tevlêbûneke rastteqîn, bawerî û diyalog bê meşandin.

Rêveberiya Xweseriya Demokratîk a herêma Bakur û Rojhilatê Sûriyeyê êrişên rasterast ên li dijî şêniyên Siweydayê, gefên li ser ewlehiya wan, şermezar kir û got li gorî pîvanên nîştimanî û mirovî ev êriş nayên qebûlkirin. Her wiha rêveberiyê, ji bo ku ev êriş rawestin, aştiya navxweyî û tevna civakî ya Sûriyeyê ku bingeha projeya nîştimanî ya komkar e, bê parastin bang li aliyên ku dilê wan bi yekitiya Sûriyeyê gelê wê re ye, bibin yek.

Bîlançoya êriş û şerên li parêzgeha Siweydayê ku ji duh bi sibê ve berdewam in, girantir bû û heta niha 80 kes hatine kuştin. Di nav wan de zarok heye.

(şx)