Gelê Çilaxayê: Em bi berxwedana gelê taxên Helebê re ne

Gelê bajarê Çilaxa yê kantona Cizîrê êrişên berdewam ên li dijî taxên Şêxmeqsûd, Eşrefiyê û Benî Zêd ên bajarê Helebê yên ji hêla komên çete yên dewleta Tirk ên di nava hêzên hikumeta demkî de, bi tundî şermezar kirin.

Kawa Omer êriş şermezar kirin û diyar kir ku êrişên li ser taxên niştecihan sûcekî dermirovî ye. Omer anî ziman ku êrişên hikumeta demkî bi piştgiriya çeteyên "Emşat” û “Hemzat" ên girêdayî dewleta Tirk a dagirker û yên di lîsteya terora navneteweyî de ne di çarçoveya tehrdîkirina siyasî û leşkerî ya Hêzên Ewlekariya Hundirîn -Helebê ye, da ku şert û siyasetên xwe yên dikevin xizmeta dewleta Tirk a dagirker ferz bikin.

Omer destnîşan kir ku êrişên dubare yên li pey her hevdîtineke di navbera hikumeta demkî û dewleta Tirk de sûcekî dermirovî ye li pêç çavên civata navneteweyî û bêdengiya wê tê kirin. Omer da zanîn ku ev berxwedana parastina rûmet û ewlehiya tevahî xelkê herêmê dike û wê vîna gelê ku tu carî nayê şikandin li hember dijmin bi ser bikeve.

Muzefer Ziyab jî êriş şermezar kirin, hikumeta demkî û piştgirên wê berpirsa tevahî bandorên vê rageşiya xeternak dîtin û got armanca ji van êrişan berfirehkirina xeleka êrişê, têkbirina aramiya herêmê û vîna gelê dixwaze bi rûmet bijî. Ziyab pişgiriya xwe bi berxwedana Hêzên Ewlekariya Hundirîn û gel re nîşan da û diyar kir ku vîna gel bi êriş û dorpêçê nayê şikandin û gelê Çilaxa li kêlek gelê taxên Helebê ye.

Henan Şemo jî êriş komên çete yên hikumeta demkî ku di lîsteya cezayên navneteweyî de ne, şermezar kirin û diyar kir ku ev êrişên sîstematîk bi armanca şikandina vîn û berxwedana gelê Şêxmeqsûd û Eşrefiyê ye. Şemo ev pêkanînên ne dûrî siyasetên rejîma Baasˊê ne, lê li hember berxwedana gel têk çûn.

Şemo berxwedana gel û Hêzên Ewlekariya Hundirîn-Heleb silav kir û diyar kir ku dê serkeftinên berê yên li hember sûcên hikumeta demkî dubare bibin.

(fr)

ANHA