Di pêşangeha Helebê de wêneyên Rêber Apo hatin pêşkêşkirin

Tablo û berhemên hunerî yên ku di pêşangeheke hunerî ya li ser têkoşîna Rêber Abdullah Ocalan hatine pêşkêşkirin de, asta girêdana ciwanan bi têkoşîna rizgariyê ya Rêbertî dest pê kiriye, nîşan dide.

ROJANE

1 tîrmeh, 2025 23:10

HELEB

Yekitiya Jinên Ciwan û Tevgera Ciwanên Şoreşger, bi dirûşma "Ji bo avakirina civaka demokratîk em ê têkoşîna xwe bilind bikin û azadiya fîzîkî ya Rêber Apo misoger bikin", li parka Efrîn a taxa Eşrefiyê ya Helebê pêşangehek hunerî li dar xist.

Di pêşangehê de 15 tabloyên ku tê de wêneyên Rêber Abdullah Ocalan hatine çêkirin, li kêlekê helbestek tevî wêneya Rêber Apo ku jinên ciwanan nivîsandiye û pirtûkên Rêbertî, hatin pêşandan.

Di pêşangehê de xwendekar, ciwan, şênî û endanên meclis, komîn û saziyên sivîl amade bûn. Destpêkê rêvebera Yekitiya Jinên Ciwan Zeyneb Ebdo girîngî da rola pênûs û firçeyê di nîşandana têkoşîna Rêber Abdullah Ocalan de.

Zeyneb Ebdo bal kişand ser rola hunerê ya aktîv di veguhastina têkoşîna Rêber Abdullah Ocalan de, diyarkirina girêdana ciwanan bi fikir û ramanên wî yên rizgariyê.

Piştre şênî di nava pêşangehê re geriyan û li tabloyan temaşe kirin.

Li gorî organîzetoran, wê sibe pêşangeh li hola "Telêt Heleb" a li beşa rojhilatê taxa Şêxmeqsûdê dewam bike, da ku derfetek fireh li pêş şênî û kesên eleqedariyê bi hunerê dikin, temaşe bikin.

(mh/fr)

ANHA