Di êrişa li Til Rifetê de 2 jin û zarokek birîndar bûn
Di êrişa artêşa Tirk a dagirker a li ser bajarê Til Rifetê yê kantona Efrîn-Şehbayê de zarokek û 2 jin birîndar bûn.
![Di êrişa li Til Rifetê de 2 jin û zarokek birîndar bûn](https://hawarnews.com/kr/uploads/images/202409/image_870x_66dc0c8af188a.jpg)
Artêşa Tirk a dagirker 5’ê Îlonê bajarê Til Rifetê yê kantona Efrîn-Şehbayê bi guleyên doçka êriş kiribû. Li gorî Rêxistina Mafên Mirovan a Efrîn-Sûriyeyê dagirkeran ji baregehên xwe yên li gundewarên Ezazê, Til Rifet gulebebaran kiribû û di encamê de zarokek û 2 jin birîndar bûn.
Rêxistinê diyar kir ku birîndar hîna li nexweşxaneya Til Rifetê tên dermankirin.
Li gorî rêxistinê navên birîndaran wiha ne: Zeyneb Elî Mûsa (55) û Nûra Mamed Hemdûş (16) ji bajarokê Kefer Cene yê bajarê Şêrayê ne, Horiye Mihemed Weqfê (41) ji gundê Qestel Miqdad ê bajarokê Bilbilê ye.
(bb)